Drejtoresha e Ballkanit Perëndimor ne Ministrinë e Jashtme Gjermane dhe ish Ambasadore e Gjermanisë, Susane Shutz, ka deklaruar sot se negociatat me Shqipërinë nuk do të hapen pa u plotësuar kushtet. Deklarata e diplomates gjermane konfirmon edhe njëherë qëndrimin e BE lidhur me reformat e munguara nga qeveria “Rama”.
Duke komentuar qëndrimin e Gjermanisë, Nënkryetari i LSI-së, Petrit Vasili shprehet se bllokimi i integrimit në BE vjen si pasojë e keqqeverisjes së Edi Ramës. “Këto janë pasojat e qeverisjes së Edi Ramës. Plot dy vjet më pare ishte po Edi Rama që dekoronte ambasadoret dhe gënjente dynjanë për hapjen imagjinare te negociatave. Sot e kësaj dite, për shkak të Edi Ramës integrimi i Shqipërisë ndodhet ne momentin me te keq te tij”,- shprehet Vasili në Facebook.
Ai ka publikuar dhe videon e Edi Ramës dy vite më parë, kur dekoronte ambasadorët për hapjen e negociatave me BE.
Postimi i plotë i Petrit Vasilit në Facebook:
“Gjermania konfirmon, Maqedonia hap Negociatat, Shqipëria jo!
Susane Shutz, Drejtoreshë e Ballkanit Perëndimor ne Ministrinë e Jashtme Gjermane dhe ish Ambasadore e Gjermanisë në Shqipëri konfirmon se: Maqedonisë i hapen Negociatat ndërsa Shqipërisë jo.
Ja çfarë thotë zj.Shutz; “Ne synojmë të mbajmë konferencën e parë ndërqeveritare me Maqedoninë e Veriut dhe, nëse plotësohen kushtet, gjithashtu edhe me Shqipërinë gjatë presidencës sonë të Këshillit”, shpjegoi Schutz
Këto janë pasojat e qeverisjes së Edi Ramës. Plot dy vjet më pare ishte po Edi Rama që dekoronte ambasadoret dhe gënjente dynjanë për hapjen imagjinare te negociatave. Sot e kësaj dite, për shkak të Edi Ramës integrimi i Shqipërisë ndodhet ne momentin me te keq te tij.
Shiheni VIDEON dhe kujtoni se si gënjente Rama pa u skuqur fare”.
