Ish deputeti i PD-së, Tritan Shehu ka reaguar në rrjetet social mbi ngjarjet e fundit në zonën e ashtuquajtur “Bllok” ku sipas tij kjo zonë egzistonte vetëm rreth Diktatorit dhe i shërben atij dhe familjes së tij. Ja postimi i tij o plotë:
Blloku ishte Paranojaku.
Mos kërkoni ta çlironi edhe sado pak atë nga krimet e përbindëshme.
Lexoj komente apo interpretime sikur në Bllok bllokmenet i “hanin kokën” njëri-tjetrit, luftonin me njëri-tjetrin, dikush i krahason me “pulat e uritura” në luftë midis tyre, dikush me beteja “epike” të egra njëri me tjetrin, etj!!
Unë , që nuk kam qenë as për një minutë të vetme në atë Bllok apo strukturat e tij, mund tu them se autorët kështu po tentojnë të ulin peshën e krimeve monstruoze që rëndojnë mbi Diktatorin.
Blloku ekzistonte vetë rreth Diktatorit, ai e kishte ndërtuar atë mekanizë kriminal, i përkiste vetë atij e ishte vetë në shërbim të tij e të familjes së tij.
Të tjerë ishin thjesht instrumenta apo figurantë , që edhe vendimin për të jetuar apo jo për ata e merrte vetë Paranojaku, në bazë të maktheve që ai kalonte.
Asgjë tjetër, Blloku nuk ekzistonte jashtë tij, ishte pronë e tij, të gjithë aty ishin “pronë ” e atij.
Dhe ata të gjithë , si “gomerë të tredhur”, vetë prisnin radhë duke u lutur që më parë “vendimit” për ta, të soste “kandili” i Paranojakut, por ndërkaq i shërbenin me devotshmëri ”patos” atij, në shtimin e pirgjeve të kufomave.
Dhe kjo reflektohej më tej mbi një popull të tërë , mbi gjthçka tragjike ndodhi në vendin tonë .