Presidenti Meta dorëzon kupën, urime Tirona kampion

Presidenti Ilir Meta ka publikuar në rrjetin e tij social “Facebook” një video ku duket se dorëzon kupën e fitores skuadrës së Tiranës në këtë 100 vjetor

Tirana shpallet kampione. Pa takime, thjesht përshëndetje me grushte dhe medalje që jepen në dorë. Tribuna bosh dhe si pasojë atmosferë surreale për një ndeshje ku do të kurorëzoheshin kampionët e rinj. Epilogu i njohur i një sezoni të gjatë dhe të çuditshëm në Superligë, ashtu si në të gjithë botën. Por asgjë nuk mund ta prishte mbrëmjen e Tiranës, që mori zyrtarshit nga Presidenti i Republikës, Ilir Meta, trofeun e titullin kampion në Superligë për herë të 25-të në historinë e futbollit elitar në vend.