Ditën e sotme Presidenti i Republikës, Ilir Meta ka qenë në qytetin e Vlorës, ku ka dekoruar me dekoratën “Nderi i Kombit”, heroin e Luftës Antifashiste Nacionalçlirimtare, Resul Veli (Çelaj).
“Në këtë betejë të pabarabartë, Komandant Resuli së bashku me shokët e tij, shkruan me gjakun e tyre një nga faqet më të ndritura të heroizmit, atdhedashurisë, vetëmohimit dhe trimërisë së popullit shqiptar në luftë kundër nazi-fashizmit, duke u kthyer në burim të përjetshëm frymëzimi për gjeneratat e reja.”,- shprehet Kreu i Shtetit në një mesazh të shpërndarë në rrjetet sociale.
Mesazhi i plotë i Presidentit Ilir Meta
Në Vlorën e Flamurit dhe të Pavarësisë nderova sot me Dekoratën e lartë “Nderi i Kombit” një ndër bijtë më të mirë dhe trima të Tërbaçit e Labërisë, Heroin e Luftës Antifashiste Nacionalçlirimtare, Resul Veli (Çelaj), Komandantin e batalionit partizan ‘Halim Xhelo’, i cili ra heroikisht duke luftuar në betejën e madhe kundër pushtuesve nazistë në Qafën e Kiçokut në 7 dhjetor 1943.
Në këtë betejë të pabarabartë, Komandant Resuli së bashku me shokët e tij, shkruan me gjakun e tyre një nga faqet më të ndritura të heroizmit, atdhedashurisë, vetëmohimit dhe trimërisë së popullit shqiptar në luftë kundër nazi-fashizmit, duke u kthyer në burim të përjetshëm frymëzimi për gjeneratat e reja.
Vlerësimi i gjakut të derdhur për Shqipërinë nga Dëshmorët dhe Heronjtë e Atdheut, është borxhi, që ne të gjithë u kemi për të qenë gjithmonë syçelët për mbrojtjen e lirisë, pavarësisë dhe sovranitetit të vendit.
Ky nderim është vlerësim e respekt edhe ndaj vetë dinjitetit, integritetit dhe identitetit tonë si shqiptarë dhe europianë
