Anëtari i Kryesisë së LSI-së, Klevi Pojana ka postuar një video nga momentet e manifestimit mbarëpopullor të thirrur nga Presidenti i Republikës ditën e djeshme duke thënë se shqiptarët dje treguan edhe njëherë forcën e jashtëzakonshme të kombit shqiptar.
Pojana shton gjithashtu se sovrani iu përgjigj thirrjes së Presidentit.
Postimi i plotë i Pojanës
Shqiptarët dje treguan edhe njëherë forcën e jashtëzakonshme të kombit tonë!
Të bashkuar nën flamurin #kuqezi 🇦🇱, me thirrjen #E_Duam_Shqipërinë_Si_Gjithë_Europa, qytetarët e Tiranës dhe gjithë vendit krijuan në Bulevardin Dëshmorët e Kombit uraganin e shpresës!
Ky vend, ky popull, ky komb nuk mund të nëpërkëmbet e të shtypet.
#Liria është pasuria më e madhe për të cilën shqiptarët kanë luftuar ndër shekuj!
E ardhmja jonë, e veçanërisht e ardhmja e rinisë tonë nuk mund e nuk duhet të jetë më emigrimi!
Presidenti lëshoi thirrjen, sovrani u përgjigj!
Edhe pak ka ngelur që Kushtetuta, ligji dhe shteti të jenë të pacënuara nga pushteti i përdhunshëm!
Të bashkuar ja dalim!
