Pas deklaratë së ditës së sotme të kryeministrit Rama, ku tha se në spitale do të punësohen njerëz për të “mbikqyryr” punët në spitale ka ardhur dhe reagimi i nënkryetarit të LSI-së, Petrit Vasili.
“Rama i quajti heronj mjekët dhe infermierët dhe tani që mendon se e hodhi hallin po vë spiunë anë e mbanë që ti ndjekin këmba këmbës për ti spiunuar po të njejtët heronj.”,- është shprehur Vasili me anë të një postimi të shpërndarë në faqen e tij zyrtare në ‘Facebook’.
Reagimi i plotë i Petrit Vasilit:
KryeDelenxhiu u jep spiunë dhe jo paga më të larta mjekëve!
Pasi Rama e vodhi dhe e shkretoi shëndetësinë me koncesione qindra milionëshe.
Pasi e ropi dhe e griu me tendera sekretë, që nuk kursyen as Pandeminë kur njerëzit vdisnin me mijëra.
Pasi i përdori mjekët dhe infermierët për propagandë të qelbur sot Rama do të mbushë shëndetësinë me spiunë ordinerë.
Rama i quajti heronj mjekët dhe infermierët dhe tani që mendon se e hodhi hallin po vë spiunë anë e mbanë që ti ndjekin këmba këmbës për ti spiunuar po të njejtët heronj.
Rama shkatërroi shëndetësinë kryq e themel, i bëri mijëra mjekë e infermierë të ikin nga Shqipëria dhe krimi i tij s’ka nevojë për spiun se flet vetë por Drejtësia me Regji nuk vepron ndaj tij dhe ministrave të tij.
Lexojeni çfare ka deklaruar sot ky Rama për rilindjen e spiunëve më keq se Partia e Punës dhe përbuzeni këtë delenxhi. Ja çfare tha Rama sot:
“Kjo është arsyeja që edhe në spitale do të shtrijmë deri në fund, si në të gjitha institucionet, rrjetin e individëve që do të jenë aty vetëm për këtë punë, për të ndarë dhe për të kontribuar në ndarjen e të njomit nga i thati”, tha Rama.
