Ministri i Brendshëm Bledi Çuçi ka reaguar përmes një postimi në rrjetet sociale rreth zbardhjes së grabitjes së një banke në Koplik. Ministri Çuçi shprehet se: Operacioni në Shkodër për zbardhjen e grabitjes së filialit të një banke dhe zbulimi i ambientit të kultivimit të kanabisit me anë të llampave, që çoi në pranga 9 persona, është dëshmia e radhës e punës profesionale hetimore dhe operacionale të Policisë së Shtetit, për të cilën meriton përgëzim dhe respekt. Ndër të tjera Ministri i Brendshëm Çuçi deklaroi se Policia e Shtetit po punon pa asnjë hezitim dhe pa asnjë kompromis përballë krimit dhe me bindjen e plotë se vetëm në këtë mënyrë kontribuojmë për një shoqëri më të sigurtë e ku e ardhmja jonë e nuk vihet në rrezik.