Presidenti Ilir Meta, në konferencë për mediat, deklaroi se Basha ka qenë dhe është në shërbim të Edi Ramës.
Meta thekson se Basha nuk i dha asgjë vendit dhe opozitës nuk i dhuroi qoftë një këshilltar.
“Kujt i shërbeu Basha me bojkot, duke mos regjistruar PD sipas dekretit të presidentit, për të cilin kishte rënë dakord. Bojkoti i Bashës për dekretin e presidentit, që kishte kërkuar vetë, ishte në sinkron të plotë me 4 anëtarët e PS, që organizuan zgjedhjet e paligjshme të 30 dhjetorit.
Basha nuk i shërbeu as vendit dhe as opozitës, nuk ka sot asnjë këshilltar në mbarë Shqipërinë. Është e qartë se Basha mbështeti vetëm Ramën për të kapur 100 përqind për të kapur pushtetin lokal. Basha duket qartë se mbështeti Ramën në sulmet e tij ndaj presidentit”, deklaroi Meta.
