Kryetarja e Lëvizjes Socialiste për Integrim, Monika Kryemadhi, ka folur sot për ndryshimet kushtetuese që u miratuan sot në Kuvend.
Në një intervistë , Kryemadhi tha se disa nga votat e marra sot në Kuvend, Edi Rama i ka të blera me gjoba. Sipas saj, Rama deputetëve të opozitës së re u ka premtuar nga lejet e ndërtimit dhe deri tek vendimet e gjykatës dhe nxjerrje nga burgu.
“Rama mori sot 106 vota, por disa nga ato vota i ka me gjoba. Njërin e ka me leje pallati, njërin e ke me nxjerrje nga burgu, një e ka me kalim vettingu dhe një tjetër e ka me vendim gjykate”, u shpreh kryetarja e LSI.
Këto deklarata për deputetët e opozitës së re i ka bërë më herët dhe kreu i Partisë Demokratike, Lulzim Basha.
