Kryetarja e LSI-së Monika Kryemadhi ka zhvilluar një takim me strukturat në Lushnje, nga ku ka siguruar mbështetjen për kandidatin e Shtëpisë së Lirisë, Elton Bano.
‘Fitorja e Shtëpisë së Lirisë, është triumf i qytetarëve të lirë mbi Rilindjen e varfërisë ekonomike që ka zbrasur vendin nga njerëzit dhe rinia’, shkruan Kryemadhi në Facebook.
Postimi i plotë i Monika Kryemadhi:
Këtë të dielë, qytetarët e Lushnjes kanë mundësinë e vërtetë për të zgjedhur në drejtimin e Bashkisë djalin e tyre, i cili do të jetë i përkushtuar në përmirësimin e qytetit.
Kandidati i Shtëpisë së Lirisë, Elton Bano meriton mbështetjen tonë dhe fitoren.
Fitorja e Shtëpisë së Lirisë, është triumf i qytetarëve të lirë mbi Rilindjen e varfërisë ekonomike që ka zbrasur vendin nga njerëzit dhe rinia.
Lushnja voton 🗳 më 6 Mars ✅