Në mjediset e KQZ-së vijoi dje procesi i rinumërimit të votave të qarkut Shkodër.
Në mesditë përfundoi rinumërimi i KZAZ nr. 3, e cila nuk prodhoi ndryshime në mandat apo shifra, ndërkohë që procesi rifilloi sërish pasdite me rinumërimin e KZAZ nr. 4. Pas rinumërimit në KZAZ nr.3 nuk u konstatua asnjë shkelje apo parregullsi mes numrit të votave të regjistruara në procesverbalet e KZAZ-ve me ato të tabelave të KQZ-së.
Ajo që bie në sy edhe në këtë qark është shkruajtja e shprehjeve të ndryshme nga ana e qytetarëve. Duket se është bërë tashmë një trend që në fletën e votimit banorët të shprehin hallet e tyre. Gazetari Mërtiri shprehet se në një fletë votimi të gjetur në KZAZ nr.4 që i përket komunës së Bërdicës në Shkodër, një banor i ka shkruajtur kryeministrit Berisha për hallet e tij. Rinumërimi i kutive të këtij qarku erdhi pas kërkesës ankimore të Partisë Republikane, e cila pretendon se në Shkodër i është marrë një mandat. Ndaj kësaj vendimmarrje të KQZ-së, PS është ankuar në Kolegjin Zgjedhor, i cili pritet të shqyrtojë sot kërkesën në fjalë.
QV 0219, 103 vota iu shpërndahen partive
Teksa numëroheshin votat e QV 0219 të KZAZ nr.4 tek e cila ishin shpallur më herët gjatë numërimit për zgjedhjet e 23 qershorit, 106 fletë votimi të pavlefshme, anëtarët e numërimit në KQZ vendosën që 103 fletë prej tyre t’i shpallin të vlefshme dhe t’i rinumërojnë, pasi nuk kishin shenja të tjera përveçse disa probleme në printim.
103 vota iu shpërndanë partive politike.
PDS kishte 25 vota ndërsa tani shkon në 33 vota
LSIkishte 26 vota ndërsa tani shkon në 31 vota
PS kishte 135 vota dhe shkon në 167 vota
PD kishte 150 vota dhe shkon në 197 vota
Partia Republikane kishte 14 vota dhe shkon në 18 vota
Mësohet se QV 0219 i takon Komunës Postribë të Shkodrës.
Salianji: “Asnjë ndryshim, PD po bën gjithçka të njollosë procesin”
Përfaqësuesi ligjor i PS-së. Eridian Saliani, u shpreh se po vërtetohet se deri tani nuk ka ndryshim mandati teksa ka akuzuar PD se po bën gjithçka për të njollosur procesin.
“KZAZ nuk kishte jo vetëm ndryshim rezultati, por asnjë votë të ngatërruar. Ne jemi këtu për të ndjekur procesin, pasi ne e kemi thënë se procesi është i kundërligjshëm. Kolegji dje nuk vlerësoi Lezhën por vlerësoi se KQZ nuk ka kourumin për të marrë vendime. KQZ është në kohë të ndërpresë procesin”, tha Saliani. Pardje u numëruan dy KZAZ, ku u vërejt një ulje votave nga partitë e mëdha drejt aleatëve të tyre. Rezultatet pas rinumërimit të ZAZ 1 në Shkodër
Partitë Nr i votave të vjedhura
PS 328 vota më tepër
PD 29 vota më tepër
LSI 110 vota më tepër
PR 80 vota më tepër
PDS 114 vota minus
Kristian Demokratët 138 vota minus
FRD 18 vota minus
AK 22 vota minus
PBDNJ 27 vota minus
PSM 32 vota minus
PSD 12 vota minus
PLL 67 vota minus
PDK 36 vota minus
PAA 61 vota minus
