Komisioni i Posaçëm Parlamentar “Për Reformën Administrativo-Territoriale” ka përfunduar mbledhjen e sotme me mbarimin e raportit të e ekspertëve të opozitës për reformën territoriale. Kryetarja e këtij komisioni Anila Denaj në përfundim të komisionit, u shpreh se javën e ardhshme do të jenë ekspertët e mazhorancës, të cilët do të dorëzojnë raportin e tyre për reformën territoriale. Partia Demokratike ka dalë me propozime konkrete, sa i takon ndarjes së re administrative. Ekspertët e opozitës, kanë prezantuar raportin final, ku kërkojnë shtimin me 33 bashki, pra 94 bashki në total, nga 61 që janë aktualisht.
Ata kanë kërkuan gjithashtu, ndarje në 3 ose 6 rajone.
Ndarja në 3 rajone
1-Rajoni Adriatik (Shkodra, Lezhë, Dibër, Kukës)
2-Rajoni Adriatiko-Jonian (Tiranë, Durrës,Elbasan)
3-Rajoni Jonian (Vlorë, Korçë,Fier, Berat, Gjirokastër)
Ndarja në 6 rajone
1-Shkodër-Lezhë
2-Dibër-Kukës
3-Tiranë-Durrës
4-Elbasan-Korçë
5-Fier-Berat
6-Vlorë-Gjirokastër
