Këshilli i Lartë Gjyqësor ka njoftuar se nesër më datë 11.03.2021, në orën 10:00, zhvillohet në platformën online, mbledhja plenare e Këshillit të Lartë Gjyqësor.
Ja dhe diskutimet e rendit të ditës:
RENDI I DITËS
i Mbledhjes Plenare të Këshillit të Lartë Gjyqësor
datë 11.03.2021
- Zhvillimi i seancës dëgjimore për shqyrtimin e kërkesës së ILD-së për fillimin e procedimit disiplinor në ngarkim të magjistrates {…}, me detyrë gjyqtare në Gjykatën e Rrethit Gjyqësor {…}.
- Shqyrtimi i projektvendimit “Për detajimin e numrit të punonjësve për vitin 2021” përgatitur nga Komisioni i Planifikimit Strategjik, Administrimit dhe Buxhetit.
- Shqyrtimi i projektudhëzimit “Për procesin e plotësimit të vendeve të lira në shërbimin civil gjyqësor nëpërmjet procedurës së lëvizjes paralele, ngritjes në detyrë dhe pranimit nëpërmjet konkurrimit të hapur”, përgatitur nga Komisioni i Planifikimit Strategjik, Administrimit dhe Buxhetit.
- Shqyrtimi i projektvendimit “Për miratimin e Raportit vjetor mbi veprimtarinë e Komisioni Disiplinor gjatë vitit 2020”, përgatitur nga Komisioni Disiplinor.