Ish-zvministrja e Financave, Irena Beqiraj përmes një reagimi në rrjete sociale shprehet se për të dëgjuar këshilla do kishte më mirë të dëgjonim një specialist të fushës se kryeministrin Edi Rama.Kjo pasi kushdo do e kishte dëgjuar me vëmendje mesazhin zanor.
Ja reagimi i saj i plotë:
Me u përqaf prej zorit !
Marr bashkëshortin në telefon .
Nga ana tjetër fillon …. Jam Edi …laj duart hap dritaren etj etj.. në fund ” të perqaf (jo përqafoj ) nga larg” .
Mbyll telefonin me frikën se se mos i kam rënë gabim numrit . Por jo, ishte numri i bashkëshortit.E rimarr sërisht . Prita me durim të përfundonte mesazhi zanor , deri tek ” të perqaf nga larg ” edhe fola me bashkëshortin .Marr mamanë e njëjta gjë ” u përqafa nga larg” me Kryeministrin pastaj fola me të .Pas një ore fola me një koleg …. kuptohet pasi u përqafa nga larg me Kryeministrin .
Për këshillat do të kisha preferuar të kishin në sfond zërin e Doktor Arjan Harxhit e do kishte qenë fantastike sikur të fillonin me “Jam Dr. Arjan Harxhi ” pasi nga goja e një mjeku kushdo do ta dëgjonte me vëmendje mesazhin zanor , por këtë ” të përqaf nga larg cfarë dreqin e ka , kush dreqin ja ka këshilluar ?
Sa herë që duhet të flas në telefon nuk mundem pa “u përqaf nga larg ” me Kryeministrin!Ra ky virus edhe dua apo s’dua po perqafohem me ish shefin tim edhe pse virtualusht , nga larg . E kësaj i thonë me u përqafu prej zorit !!!!
