Në një postim në Facebook, Presidenti i Partisë së Lirisë Ilir Meta shpalli një mesazh të fuqishëm për qytetarët e Lezhës, duke i falënderuar ata për besimin dhe mbështetjen e pafundme që treguan gjatë një mbledhjeje masive në shesh.
Sipas tij, Lezha ka marrë një vendim të madh për të ndryshuar të ardhmen e qytetit dhe të Shqipërisë, duke lidhur “besa e madhe për Shqipërinë madhështore.”
Në këtë moment historik, Presidenti vlerësoi fushatën e jashtëzakonshme të Viktor Tushës, përfaqësuesit të komunitetit lezhjan, i cili ka sjellë një dimension të ri në fitoren e opozitës dhe ka bërë një hap të rëndësishëm për çlirimin e qytetit nga strukturat e korrupsionit.
Në këtë postim, ai nënvizon se 11 maji do të jetë një ditë triumfi për Lezhën dhe Shqipërinë, një fitore që do të çlirojë qytetin nga “banditët dhe plaçkitësit” që e kanë keqtrajtua gjatë këtyre viteve.
Postimi i plotë:
Sonte me bekimin e mijëra e mijëra qytetarëve në shesh, Lezha lidhi besën e madhe për Shqipërinë madhështore.
Lezha me histori, tradita, natyrë të mrekullueshme dhe gjithçka, sonte mori vendimin e madh të ndryshimit dhe vulosi fitoren historike.
Viktor Tusha, ky përfaqësues i shkëlqyer i komunitetit lezhjan, me fushatën e tij të jashtëzakonshme, i ka dhënë fitores një dimension të ri.
Me vlerat e tij aq të spikatura intelektuale, administruese dhe qytetare, Viktori është pa asnjë diskutim një vlerë e madhe e shtuar e kësaj fushate të paparë të opozitës.
Në 11 maj, Lezha do të triumfojë me fitoren e saj dhe do të çlirohet një herë e përgjithmonë nga banditët dhe plaçkitësit e narkoqeverisë, që e kanë trajtuar atë si plaçkë tregu.
Fitore Aleancës për Shqipërinë Madhështore, fitore absolute Viktor Tushës, mikut, qëndrestarit dhe bashkëluftëtarit tim për më shumë se dy dekada.
