TIRANE – Inspektorati i Lartë i Deklarimit dhe Kontrollit të Pasurive ka paraqitur në Prokurori kallëzime penale ndaj 16 ish-zyrtarëve për veprën penale të akuzës së fshehjes apo mosdeklarimit të pasurisë. Sipas njoftimit të dhënë nga ILDKP, veç kallëzimit penal, ndaj 16 ish-zyrtarëve janë marrë edhe masa administrative.
Në mesin e zyrtarëve të akuzuar është edhe ish-deputeti socialist Andis Harasani. Gjithashtu mes personave të kallëzuar ndodhen edhe 7 ish-zyrtarë të tatimeve.
Më poshtë personat e kallëzuar penalisht nga ILDKP:
– Luan Jonuzi, për funksionin Inspektor në Drejtorinë Rajonale Tatimore Durrës
– Qamil Korça, për funksionin Inspektor në Drejtorinë Rajonale Tatimore Korçë
– Afërdita Hysa, për funksionin Drejtor në Drejtorinë Rajonale Tatimore Tiranë
– Andis Harasani, për funksionin Deputet, Kuvendi i Shqipërisë
– Ziso Lluci, për funksionin Kryetar, Komuna Finiq, Qarku Vlorë
– Elisabeta Ferizaj (Muda), për funksionin Doganier në D.P.Doganave, Dogana Sarandë
– Meliha Kukaj, për funksionin Kancelare në Gjykatën e Shkallës së Parë Pukë
– Shpëtim Bajrami, për funksionin Inspektor në D.P.Tatimeve, Drejtoria Rajonale Tatimore Tiranë
– Roland Çelmeta, për funksionin Zv-Drejtor, Drejtoria e Përgjithshme e Metrologjisë dhe Kalibrimit
– Adem Halilaj, për funksionin Drejtor i BCU, Shtabi i Përgjithshëm, Ministria e Mbrojtjes
– Nestor Ruço, për funksionin Doganier, Dogana Korçë
– Armand Tartari, për funksionin Drejtor i Planifikimit dhe Programimit, Ministria e Mbrojtjes
– Arben Lekaj, për funksionin Inspektor në Drejtorinë Rajonale Tatimore Shkodër
– Marion Hasanaj, për funksionin Inspektor në Drejtorinë Rajonale Tatimore Fier
– Vladimir Përdhiku, për funksionin Nënprefekt, Qarku Korçë
– Tare Beqiri, për funksionin Inspektor në Drejtorinë Rajonale Tatimore Fier
Të 16 ish-zyrtarët tashmë akuzohen për veprën penale të “Fshehjes apo deklaraimit të rremë të pasurisë”, ndëra materialet procedurale i kanë kaluar Prokurorisë për procedime të mëtejshme.