Ditën e sotme, Sekretari i Përgjithshëm i LSI-së, Endrit Braimllari ka vazhduar të nxjerrë të palarat e qeverisë “rilindase”, ku këtë herë tha se, “Pushteti i kalbur i Rilindjes faktohet çdo ditë me abuzime marramendëse me fondet publike”.
“Qeveria kalon në parlamentin monist ligje klienteliste PPP, shkel hapur dhe pa asnjë përgjegjësi Kushtetutën. Ministritë, Drejtoritë e pergjithshme menaxhojnë fondet publike me tendera fiktive. Bashkite bëjnë të njëjtën gjë.”,- është shprehur më tej Braimllari në një postimi të tijin të shpërndarë në faqen e tij zyrtare në ‘Facebook’.
Reagimi i tij i plotë:
Pushteti i kalbur i Rilindjes faktohet çdo ditë me abuzime marramendëse me fondet publike.
Në çdo raport ndërkombëtar del qartë si qeveria më e korruptuar. Pushteti monist i rilindjes nuk njeh konkurrencë në prokurimet publike si ato të (Fatos Tushës).
Prokurime fiktive me mungesë të barazisë në garë, të paracaktuara për klientët e pushtetit monist në kurriz të qytetarëve. Çdo administrim pushteti i Rilindjes është pasqyra e Edi Ramës.
Qeveria kalon në parlamentin monist ligje klienteliste PPP, shkel hapur dhe pa asnjë përgjegjësi Kushtetutën. Ministritë, Drejtoritë e pergjithshme menaxhojnë fondet publike me tendera fiktive. Bashkite bëjnë të njëjtën gjë.
Pra, shumë e qartë, kemi të bëjmë me një pushtet abuzues dhe të korruptuar, çdo gjë është pasqyrë e atij që e drejton, e Edi Ramës.