Pas degës 6 të PD në Tiranë, edhe Kryesia e degës 11 ka publikuar emrat e anëtarëve që kanë firmosur për Kuvendin Kombëtar të datës 11 dhjetor.
Vendimi është marrë me mbi 2/3 e votave të anëtarëve të kësaj dege.
Po ashtu në këtë degë kanë firmosur 88 delegatë nga 116.
Delegatët kanë vendosur që të shpallin publikisht mbështetjen e tyre për Kuvendin e 11 dhjetorit të thirrur nga anëtarësia e PD-së.
Ata kanë publikuar edhe emrat duke shprehur hapur mbështetjen për ‘Foltoren’ e ish-kryeministrit Sali Berisha dhe thirrjen e Kuvendit Kombëtar në datën 11 dhjetor, ditën e themelimit të Partisë Demokratike.