Debati për naftëtaret/ Rama: Nuk ka asnjë marrëveshje, nëse nuk ndalon greva

73

Kryeministri Edi Rama ka folur në Kuvend lidhur me grevën e urisë së naftëtarëve, ndërsa më parë deputetja Rudina Hajdari tha se është e papranueshme që paratë e nënave dhe grave të vidhen, dhe sipas saj në asnjë rast ARMO nuk ka dalë me humbje.

“Sot takova burrat dhe gratë naftëtarë të cilët janë prej dy jaësh në grevë urie. Ata kanë kërkesën më minimaliste të sigurojnë jetesën e tyre për shumë gjëra që të duhen që të mbijetosh.

Elena Dhurata, Moza, Hëna, Floresha, nuk arrijnë dot ti japin llogari se përse këto gra nuk arrijnë tu garantojnë fëmijëve bukën e gojës. Nuk është e vërtetë se Armo del me humbje. Specialistët dhe ponënjësit më treguan me detaje se armo po vidhet nafta shitet në të zezë, dhe për rrjedhojë vazhdon me atë kompani që nuk paguan as taksat dhe lekët. Lekët e pagave të këtyre nënave vidhen, ska turp më të madh se ky se sa të grabitësh bukën e tyre.

Se di a ka akt më të turpshëm se sa të mos paguash rrogat e tyre. Ska trup se sa një kryeministër që hesht dhe tallet me bukën e gojës së tyre. e mbajtja premtimin e tyre dhe do mundohem me sa të mundem e ku të mundem e do të jem në krahun e tyre që kjo të mos përsëritet më kurrë. Nafta dhe të gjitha pasuritë smund të shërbejnë si pasurim kur qytetarët trajtohen si të nivelit të dytë e vuajnë për bukën e gojës. Ata që e kanë shkaktuar do të dalin përpara drejtësisë”, tha Hajdari.

Duke marrë fjalën, Kryeministri Rama theksoi se në rast se naftëtaret qendrojnë në grevë, nuk do të ketë marrëveshje.

“Ata nuk marrin rroga sepse fabrika nuk punon. Është e rëndësishme që në përpjekjen tuaj të sinqertë për të ndihmuar njerëzit, përgatituni. Nga dëshira për ti ndihmuar nga padija mund të bëni dëm. Nga ana tjetër është e pavërtetë që unë hesht. Ne dëgjojmë dhe dëgjojmë shumë mirë.

Por ka një problem, punonjësit e një kompanie private e cila falimenton, trajtohen nga shteti me asistencë sociale. Ky është detyrimi që ka shteti.

Çështja është se ne jemi të dëgjueshëm ndaj hallit të tyre, ne e dimë që ata nuk janë aty për asistencë sociale. Asistenca implikon largimin përfundimtar prej aty. Ata duan paga. Nga kush i duan pagat? Nga shteti. Si mund të jetë që një ndërmarrje private falimenton, ata futen në grevë dhe i kërkojnë pagë shtetit.

Nuk jemi më në komunizëm. Marrëdhëniet e punës dhe marrëdhëniet mes individit dhe shtetit kanë ndryshuar. Këtë gjë njerëzit në grupe të caktuara nuk duan ta kuptojnë.

Thënë të gjitha këto unë po ua përsëris çdo ditë. Mbase dhe ju më ndihmoni mua meqë keni kontakt, që ato ta mbyllin grevën

Kjo qeveri nuk bashkëbisedon nën presion. Nuk i lejojmë veten, që këtu të krijohet precedenti që je i pakënaqur me sipërmarrësin, ti futesh në grevë dhe merr ato që kërkon pa pranuar të dëgjosh edhe palën tjetër.

Përfitoj nga rasti t’ju ftoj dhe ju që të bashkoheni me mua në përpjekje që zonjat ta mbyllin grevë. Sa kohë janë aty bisedimi nuk do ndodhë. Kjo është parimore, jo se nuk dua unë, por janë parimet që funksionon shteti dhe qeveria“, tha Rama.