Pas votëbesimit nga anëtarët e Asamblesë Kombëtare në punimet e Kongresit është zhvilluar sot dhe mbledhja e parë e Sekretariatit të ristrukturuar të Partisë Socialiste.
Mbledhja u zhvillua nën drejtimin e Sekretarit të Përgjithshëm të PS-së, Damian Gjiknuri dhe kishte në fokus procesin zgjedhor brenda partisë.
“Diskutuam mbi procesin zgjedhor që do të zhvillohet në të gjitha strukturat e Partisë Socialiste i cili do konkludojë me zgjedhjen e 61 kryetarëve të Partisë në të gjithë vendin me qëllim riorganizimin dhe energjizimin e çdo strukture të forcës sonë politike”, tha Gjiknuri.
Sipas tij, “PS gjithmonë ka reflektuar eksperiencën e duhur për të përballuar me sukses sfidat që sjell koha”.
