Zaçe Islami, avokat dhe aktivist i zellshëm i protestave, prezent edhe në televizione ka bërë një deklaratë të fortë duke thënë se coronavirusi në fakt është një propagandë e iluminatit dhe e masonëve.
“Jam gati të infektohem unë i pari nesër dhe e marr unë rrezikun përsipër edhe sikur të vdes por e thashë këtë duke qenë i bindur se është jo siç thonë ata por ashtu siç them unë dhe ky grip është si gjithë gripërat e tjerë”, thotë avokati ndër të tjera.
Më tej, ai e quan Ramën një “Don Kishot, kriminel që kërkon të zbatojë strategjinë e shfarosjes së njerëzimit”.
Sikur mos mjaftonte kjo, avokati u bën thirrje njerëzve të mos bien pre e kësaj propagande, siç i cilëson ai masat ndaj Covid.
“Ky nuk është një grip i jashtëzakonshëm që kërkon të zhdukë njerëzimin sikurse po e propagandojnë dhe po e fryjnë në mënyrën më të pafytyrë mediat shqiptare të nxitura dhe të urdhëruara nga padronët e tyre të iluminatit dhe të masonëve. Nuk e thashë kot. Thashë që jam gati të infektohem unë i pari nesër dhe e marr unë rrezikun përsipër, e marr unë përgjegjësinë përsipër edhe sikur të vdes po e thashë këtë duke qenë i bindur se është jo siç thonë ata por është siç them unë dhe ky grip është njësoj si gjithë gripërat e tjerë që kanë kaluar gjatë gjithë historisë njerëzore. Gjithë kjo rrëmujë, gjithë kjo zhurmë, tanket, makinat ushtarake, policia, ushtria në rrugë nuk kanë dalë se u trembën nga kjo luftë luftë luftë që i mbeti goja kryeministrit shqiptar, nuk di fjalë tjetër, nuk e njeh as fjalën pandemi, as fjalën sëmundje, njef vetëm fjalën luftë me armiq imagjinarë si Don Kishoti me mullinjtë e erës. Ky është Don Kishoti por nuk si Don kishoti i Servantes por kriminel, shërbëtor i kriminelëve të iluminatit që kërkon me çdo kusht të zbatojë strategjinë e tyre të shfarosjes së njerëzimit. Thashë që e pranoj unë të infektohem me coronavirus sepse unë e di shumë mirë që e gjitha është një propagandë, një frikë dhe terror i jashtëzakonshëm i përmasave kolosale që të gjitha mediat në të gjithë botën, me një klik në kompjuter dhanë alarmin që ka shpërthyer pandemia. Cila pandemi? Kjo nuk është pandemi, kjo është një luftë e ashpër midis SHBA dhe Kinës. Kjo është një luftë e ashpër që bën masonia dhe iluminati për të marrë globin në dorë. Nuk do t’i arrijë dhe këtë libër, këto plane që bëjnë ata për të marrë globin në dorë, nuk do bëhen. Unë ju bëj thirrje të gjithëve, mos u bëni pre e kësaj propagande të shfrenuar, mos u bëni pre e këtij krimi makabër ndërkombëtar në kurriz të popullsisë. Duan me çdo kusht të reduktojnë popullsinë. Duan me çdo kusht që në botë të qeverisë Izraeli dhe në krye të vijë një mbret i quajtur David. Këtë duan, këtë po bëjnë”, shprehet avokati.
