Ish-deputeti i Partisë Demokratike, Enkelejt Alibeaj, ka folur ditën e djeshme për aksionin opozitar. Sipas Alibeajt, Edi Rama ka bllokuar Shqipërinë dhe shton sot jemi në një situatë që Shqipërisë i është vendosur edhe njëherë muri i izolimit me Europën.
Gjatë një interviste në ABC News përballë gazetares Juli Xhokaxhi, Alibeaj tha se pengesa e vetme për integrimin në Europë është kryeministri Rama.
Albeaj teksa e cilëson qeverinë si përgjegjëse për “jo”-në në negociata është shprehur se opozita kërkon rrëzimin e kryeministrit, por me votë të lirë, në rrugë demokratike.
“Rama duhej të ishte i pari që duhej të jepte dorëheqjen. Ne jemi vendosur për ta larguar, për ta hequr atë nga rruga e shqiptarëve drejt Europës. Kemi më shumë se 8 muaj, që kur filluam protestat për largimin e tij… Ky person nuk pranon të jap dorëheqje.
Për këtë njeri të përmbyset komplet, shi e rrebesh, këtij i lind dielli. Dielli i korrupsionit do të lind domethënë dhe ne do të vijojmë aksionin opozitar me protesta masive, me çfarëdolloj mjeti për rrëzimin e tij. Unë besoj se edhe gjatë protestave të kaluara ne kemi arritur diçka.
Nëse në fillim këto lëvizjet antisistem të opozitës që nuk njihte Europa sepse kërkonte stabilitet, tani më nuk janë më problem pasi janë të nevojshme për të luftuar krimin dhe korrupsionin.
Opozita mund ta marri pushtetin edhe me forcë, mund ta rrëzojmë Edi Ramën me luftë ose me përballje, e kemi fuqinë, ne kemi shqiptarët me vete, por nuk e duam një gjë të tillë.
Ne kërkojmë ta marrim pushtetin përmes reformave të lira dhe demokratike”, ishte kjo një pjesë e deklaratës së Alibeajt.
