Frank Shkreli/ Papa Françesku në SHBA

656
Pas një vizite në Kubë, Papa Francesku arriti të martën pasdite në kryeqytetin e Shteteve të Bashkuara në Washington duke filluar kështu një vizitë disaditëshe në Amerikë, përfshirë edhe vizitën në Organizatën e Kombeve të Bashkuara në New York më 25 shtator. 
Papa do të pritet nga Presidenti i Shteteve të Bashkuara, Barak Obama me të cilin ishte takuar në Vatikan vitin e kaluar. Papa Françesku është vetëm Papa i tretë që viziton Shtëpinë e Bardhë. Çështjet mbi të cilat do të bisedojnë Presidenti amerikan dhe Papa do të jenë të shumëta dhe do të përfshijnë subjekte të ndryshme me të cilat sot përballet njerëzimi dhe të cilat shqetësojnë mbarë botën. Në një intervistë më heret, Presidenti Obama kishte deklaruar se, gjatë vizitës së tij nëVatikan vitin që kaloi, ata biseduan, “mbi varfërinë dhe mbi mënyrat se si mund të ndihmohen të varfërit anë e mbanë botës. Mendoj se kjo është një temë për të cilën Papa do të jetë i interesuar të vazhdojë ta theksojë gjatë vizitës në SHBA”, tha Presidenti Obama. Presidenti amerikan shtoi gjithashtu se pret që ai dhe udhëheqsi i Kishës Katolike, Papa Françesku të biseodjnë në Shtëpinë e Bardhë gjithashtu edhe për ndryshimet klimaterikesi dhe për çështje gjithmonë aktuale që janë lufta dhe paqja, përfshirë edhe mbrojtjen e të krishterëve në zona lufte e konfliktesh. “Ne, shtoi Presdienti Obama “këshillohemi shpesh me Kishën Katolike mbi mënyrat se si të mbrojmë minoritetet fetare në zona e prekura nga luftadhe konfliktet”, ka theksuar më herët Presidenti ameirkan në lidhje mbi bisedimet që ai do të zhvillojë të mërkurën në Shtëpinë e Bardhë me Papa Françeskun. 
Ndë raktivitetet e Papës në Washington, ai ka në agjendën e tij celebrimin e një meshe në Bazilikën Kombëtare. Kjo bazilikë e cila i shërben universitetit të njohur Katolik Amerikan (American Catholic University) në Washington, është kisha më e madhe në Amerikë dhe njëra prej më të mëdha në botë. 
Gjatë qëndrimit të tij në Washington, Papa Françesku do të mbajë një fjalim para dy Dhomave të Kongresit Amerikan, duke u bërë kështu Papa i parë që mban një fjalim të tillë para përfaqësuesve të zgjedhur të kombit amerikan. Papa e pranoi ftesën për të mbajtur një fjalim në Kongres, ftesë e cila i ishte dërguar atij nga udhëheqësi i shumicës republikane John Boehner sëbashku me udhëheqësen e pakicës demokrate, Nanc Pelosi, të dy të cilët i përkasin fesë katolike.
Pas vizitës dhe takimeve të ndryshme me udhëheqësit më të lartë të qeverisë dhe të shtetit amerikan dhe pas ceremonive të ndryshme në Washington, Papa Françesku do të udhëtojë për në New York ku do të mbajë një fjalim në Organizatën e Kombeve të Bashkuara me 25 shtator para udhëheqësve të mbarë botës, të cilët ndodhën në New York për takimin vjetor të radhës si çdo shtator. Edhe në këtë rast Papa Françesku i bashkohet një numëri të vogël të ish-udhëheqësve të Kishës Katolike që kanë folur para OKB-ës, Papës Palit të VI në vitin 1965, Papa Gjon Palit të II në vitin 1979 dhe Papa Benediktit në vitin 2008. Papa Françesku do të flasë para kryetarve të shteteve të qeverive të cilët do të marrin pjesë në takime të nivelit të lartë për të diskutuar mbi rritjen ekonomike dhe çështje të tjera të interesit botëror. Papa Françesku është i interesuapër ruajtjen dhe mbrojtjen e ambientit dhe lidhjet e Papës me organizatën botërore u përforcua edhe më shumë gjatë një vizite që udhëheqsii OKB-së Ban Ki Moon bëri në Vatikan prillin që kaloi, ku ishin ftuar një numër shkencëtarësh, udhëheqës fetarë dhe të zyrtarëve të lartë të OKB-së për të biseduar mbi ndryshimet klimaterike. Interesimi i Papës për mbrojtjen e ambientit rrjedhë nga Bibla. Papa Françesku kishte deklaruar në vitin 2013, me rastin e Ditës së Ambientit, duke thënë se, “Kur flasim për ambientin, mbi krimijim e botës, mendimet e mia shkojnë tek faqet e para të Biblës, ku thuhet se Perëndia vendosi burrin dhe gruan në këtë tokë për ta kultivuar dhe për ta mbrojtur…A jemi ne me tëvërtetë duke kultivuar dhe mbrojtur planetin tonë dhe krijesat në tokë, apo jemi duke lënë pasë dore dhe duke i abuzuar ato? Pritet qënë fjalimin e tij para udhëheqësve botërorë në OKB, Papa Françesku të bëjë thirrje për masa më të forta në mbrojtje të ambientit dhe të luftës kundër ndryshimeve klimaterike në planetin tonë.
Gjatë qëndrimit në New York, Papa Françesku do të vizitojë gjithashtu vendin e sulmeve terroriste kundër kullave binjake në Manhatan të 11 shtatorit 2001, ku pritet të lutet për kurajo, mençuri dhe shpresë për të punuar siç është shprehur para-ardhësi itij Papa Benedikti, për një botë ku paqja e vërtetë dhe dashuria të mbretërojnë midis kombeve dhe në zemrat e të gjithë njerëzve. Pas vizitës së tij në Katedralën e madhe të New Yorkut, Shën Patrikut, Papa Françesku do të udhëtojë për në qytetin historik të Amerikës, në Filadelfia ku për një javë tani po mbahet Mbledhja Botërore e Familjeve dhe ku do të mbajë meshën e rastin në Sheshin Benjamin Franklin, një ceremoni kjo me të cilën udhëheqsi i Kishës Katolike do të përfundojë vizitën e tij historike prej pothuaj një jave në Shtetet e Bashkuara tëAmerikës.
Sigal