Ka një pakënaqësi të përgjithshme që shprehet në fytyrat e ngrysura, në xhepat bosh, në largimet masive, nga rritja e çmimeve, krimi, droga, pronat, korrupsioni, drejtësia e tjera. 59% e të anketuarve në Shqipëri kanë renditur si problemin më madhor situatën jo të mirë ekonomike. 74.7% rrezikohen nga varfëria.
Që jemi të varfër dihet , por që jemi në fund për gjithçka s’e besoja! Për mburrje, e premtime jemi të parët ! Kam renditur shifra dhe fakte të shumta që duke i lexuar do të thoni: “Paska të drejtë”.
1-Premtimet për zgjedhjet
Fushata ka filluar edhe pse jo zyrtarisht . Me premtime, mitingje protesta, debate ,takime, përballje. Premtime njëra forcë politike dhe tjetra e ‘përgjigjet” me premtime më të mëdha. Se ku do të gjenden këto lekë një “Zot” e di. Njerëzit krijojnë bindje për mundësinë e realizimit e tyre e votojnë forcën politike që është më bindëse. Më pas gjykojnë nëse kjo forcë politike i ka “mbushur barkun “ashtu s’i kishte premtuar , apo i ka mashtruar!
Në fakt politika drejton ekonominë , por kjo luan një rol aktiv. Ajo ose të “mbanë gjallë atë ose e përmbys “. Mirë thonë, që pushtetin mund ta marrësh , por është e vështirë për ta mbajtur. Kështu ka ndodhur tek ne në 34 vjet pluralizëm. Forca të ndryshme politike kanë marrë pushtetin e na kanë premtuar . Me këto premtime herë njëra dhe herë tjetra e kanë drejtuar , por pa plotësuar premtimet. Kjo po ndodh dhe tani. Premtimet janë të mëdha , por duke mos sqaruar se si do të realizohen kur mundësitë financiare janë të kufizuara ! Ata na kanë gënjyer dhe ne i kemi besuar!
2-Gjendja e dëshpëruar
Banka Botërore jep alarmin për nivelin e varfërisë në vend. Sipas vlerësimeve të institucionit financiar ndërkombëtar, rreth 14% e popullsisë jeton në varfëri, me më pak se 600 lekë në ditë për person. E përkthyer në shifra, janë rreth 350 mijë qytetarë, kryesisht në zonat rurale që jetojnë me kaq të ardhura. Ajo jep alarmin për nivelin e varfërisë në vend.
Ka një pakënaqësi të përgjithshme që shprehet në fytyrat e ngrysura, në xhepat bosh, në largimet masive, nga rritja e çmimeve, krimi, droga, pronat, korrupsioni, drejtësia e tjera. 59% e të anketuarve në Shqipëri kanë renditur si problemin më madhor situatën jo të mirë ekonomike. 74.7% rrezikohen nga varfëria. Shqipëria vuan nga mungesa e produktivitetit në ekonomi, që është bërë shkak për pagesa të ulëta. 29 % e shqiptarëve mendojnë se, emigracioni është shqetësues për perspektivën ekonomike të vendit. Zhvillimi ekonomik mbeten pengesat më urgjente në Shqipëri. Rritja e ndjeshme e çmimeve të ushqimeve e ka përkeqësuar situatën për mijëra familje në kushtet e varfërisë në Shqipëri.
Jeta është bërë e vështirë pasi çmimet janë rritur tej mase dhe është e pamundur ta përballosh.
Një familje me katër persona shpenzon të paktën 6000 lekë më tepër në muaj nga rritja e çmimeve, dhe mbi 10.000 për shërbim shëndetësor. Në kampionin me 1,600 persona të pyetur, 685 prej tyre ose 42.8% kanë thënë se përballen me çmime të papërballueshme.
27% e shqiptarëve me zor mbyllin muajin, 71% nuk kursejnë dot. Vetëm 2% e shqiptarëve të anketuar janë të kënaqur. Në shkallë kombëtare, familja mesatare shpenzon 58.5% të buxhetit të tyre për shpenzimet e ushqimit. Në 12 vite çmimet janë rritur 2-3 herë më shumë, ndërsa pensionet në 27%.
Nga krahasimi i të dhënave të publikuara nga raporti dhe të indeksit në Shqipëri, rezulton se Tirana renditet ndër 5 vendet me rritjen më të lartë të çmimeve të apartamenteve në harkun e viteve 2021-2023, kur pagat janë më të ulta.
“Adam Smithi, babai ekonomisë së tregut ngulmoi në një botë, ku qeveria të loz një rol më të vogël në ekonominë e tregut. Këtë pikëpamje ai e ilustroi me historinë e një zyrtari francez që e pyeti një fabrikant:” Ç’duhet të bënte qeveria për t’i ardhur në ndihmë?” Ai iu përgjegj: ” Na i lini neve këtë punë” Edhe sot thënia: “Laissez-nous faire”( na i lini ne këtë punë) shpreh politikën e kufizimit të ndërhyrjes së qeverisë për të rregulluar biznesin”.
3- I varfëri dënohet, i pasuri pasurohet!
Rastet janë të shumta. Burgjet janë mbushur me të varfër për arsye ordinere. Gjyqet zvariten me vite, dosjet janë pluhurosur, durimi ka sosur. Dënimi që i kanë shkaktuar ekonomisë mijra të varfër nuk krasohen me një të pasur të korruptuar!
Ky është realiteti ynë. Kur i varfëri merr diçka që s’i takon , quhet hajdut e futet në burg, kuse i pasuri quhen të korruptuar e kaq! I varfëri kursen gjithë jetën që të mos vdes i varfër, e përsëri i varfër vdes. I pasuri shpenzon gjithë jetën e përsëri i pasur mbetet.
Fytyrën e njerëzve të pasur i sheh në dritë , kurse karakteri i tyre duket qartë në errësirë. Të pasurit mund të kenë gjithçka në jetën që dëshirojnë, nëse do të ndihmoni njerëzit e varfër të marrin ato pak pretendime që kanë!
Dhe të pasurit gjithë ditën flasin për ndershmëri! Ata s’besojnë në Zot , se po të besonin do t’na kishin bashkuar e jo ndarë m’u përgjigj një miku im.
Kush e ka vënë me djersë e ndershmëri pasurinë hallall e pastë. Të tjerët që kanë shfrytëzuar postin e në rrugë korruptive e janë pasuruar, harram ta kenë. Harrami është harram e do të vijë një ditë që do të zbulohet e dënohet!
4–Politika është arti i të drejtuarit , por që është kthyer në art të pasuruarit.
Peshorja e drejtësisë deri tani është anuar kaq keq e kaq njëanshëm, sa që vetëm mendimi se mund të fillojë nivelimi i saj, është i pakapshëm. Institucionet e krijuara a do të mund t’i rrezistojnë presioneve që s’ janë të vogla …?
Kanë një lidhje me krimin e organizuar, për pasuritë e tyre, të familjarëve, apo të ortakëve të hapura, apo të fshehura, brenda apo jashtë Shqipërisë, Ata përdorin forma nga më të sofistikuarat për të fituar, por dhe për t’i fshehur pasuritë e shumta që kanë vënë. Përgjegjësia për këtë situatë të dëshpëruar i bije klasës politike që në 34 vjet ka krijuar konflikte artificiale për të penguar reformat që prekin interesat e tyre për korrupsionin.
Të pasur i kemi të majtët, por dhe të djathtë, Mbase dhe ata e kanë patur pushtetin. Klima për biznes në Shqipëri ka nevojë për masa shtesë që do të promovonin eksportet dhe investimet e huaja direkte, të cilat janë kthyer në domosdoshmëri për mbajtjen e ekuilibrit të jashtëm dhe një rritje të qëndrueshme ekonomike. Ndryshe keq e kemi, por dhe do t’i kemi punët …..!
