Nga Evdal Nuri
Keni qenë s’i gjithë të tjerët. Me punë e pa punë. Me shkollë dite apo part-time. Në qytet, apo fshat. Në shtet apo privat. Disa mbetën në vend me një rrogë minimale, të tjerë janë pasuruar me djersën e ballit. Por ka dhe nga ata që me rrugë të pandershme janë bërë milionerë! Ditë më parë botova një shkrim ku trajtoja për format e metodat që përdorin disa “batakçinj ” për të na rrjepur. Ata në rrugë të pandershme fitojnë, por me pakicë.
1-Por kemi dhe “batakçinj” që fitimet i kanë me shumicë! Ata përdorin forma nga më të sofistikuarat për të fituar! “Pazari i tyre është i lartë!” E kanë me tenderë, toka, leja pallatesh, rrugë, tregti me shumicë, investime, blerje lirë e shitje shtrenjtë, nxjerrje nga burgu e plotë forma të tjera që veç ata i dinë! Këta të fundit dhe “qahen”, se qenkëshin “fukarenj”, por faktet flasin ndryshe. Pra, janë pjesërisht ashtu si kanë deklaruar e plotësisht ashtu si janë në të vërtetë. Fjala vjen, 59 deputetë “zhytur me kredi për t’u qarë hallin”! Të kuptohemi, këto i kanë për vila luksoze në bregdet apo malësi! T’i marrin kredi për një apartament, s’ka të keqe, por ca deklarojnë disa apartamente, prona, lekë në bankat, këtu apo jashtë! I kanë deklaruar, e tani s’kanë ç’të bëjnë, mbase s’e mendonin se do të vinte kjo ditë! Po sa kanë tek njerëzit e tyre e “nën jastëk” një Zot i di! Thonë se pasurinë e kemi të “trashëguar “, nga “gruaja”, ”mamaja”, “babai”…! Edhe ne kemi mama e baba, motër apo vëlla, por s’na kanë dhënë gjë….?! Këtu bëhet fjalë për 100-ra mijëra euro! Sa pasanikë e xhymertë i paskan prindërit…?!Më befasoi një shifër ku 677 gjyqtarë, politikanë, zyrtarë të lartë, fshehin llogaritë bankare! S’kemi trashëguar asgjë. Jo se prindërit s’donin të na jepnin, por s’kishin! Edhe ato pak toka që kishin na i rrëmbyen të tjerët! I kemi pasur më të varfër se vetja, se ashtu ishte koha, por të ndershëm. Ndofta forca e ligjit i bëri të tillë. Ata na kanë dhënë dashuri, arsim e kujdesin për t’u bërë njerëz të mirë. Dhe, padyshim, brezi mbi të 60-at është shumë më i ndershëm se ky i sotmi! Kështu u rritëm dhe u edukuam. Tani kur i varfëri merr diçka që s’i takon, quhet hajdut e futet në burg! Të pasurit kur i zbulohen miliona euro abuzime, quhen të korruptuar e kaq! I varfëri kursen gjithë jetën që të mos vdes i varfër, e përsëri i varfër vdes. I pasuri harxhon gjithë jetën e përsëri i pasur mbetet. Kjo është filozofia e jetës sonë. ..? Pra, e keqja s’ na vjen nga të varfrit që s’kanë ç’të hanë, por nga të pasurit që s’kanë të ngopur! Politika është arti i të drejtuarit dhe jo arti të pasuruarit, si ndodh tek ne ! Por ja që politikanët, ata në sistemin të drejtësisë, zyrtarët e lartë janë kthyer në mjeshtër për t’u pasuruar e përfituar në mënyrë të pandershme në kurriz të të tjerëve! S’i s’kemi dëgjuar një politikan të varfër? Që tre deputete janë studente e di. Por do isha kurioz, në se të tjerët kanë librezë pune e firmosin në fund të muajit në bordero, si kemi firmosur ne dekada të tërë? Nëse i marrin nga banka, i tërheqin çdo muaj, se ata këto të ardhura kanë?! Ata janë rrogëtarë si gjithë të tjerët dhe mbi këtë bazë duhet parë! Atëherë nga buron gjithë kjo pasuri? Hesapi është i thjeshtë. Sa vite kenë në punë? Sa të ardhura kenë marrë si familje? Sa kanë shpenzuar? Sa është vlera e pasurive që kenë? Për të tjerat të tregojnë, ku i gjetën?
2- “Qenia shoqërore përcakton ndërgjegjen shoqërore”.
Njeriu jeton, flet, diskuton me njerëzit në përputhje me kushtet ekonomiko-sociale. Diskutimet e të pasurve zhvillohen në përputhje me qenien e tyre. Fjala vjen, ata diskutojnë se në cilin shtet do shkojnë në fund- javë ? Ku do të kalojnë pushimet? Me ç’avion do të udhëtojnë? Unë me shokët bisedojmë, kur e marrim pensionin? Unë e marr në 14, kolegu im H. Guri në 21. Sot paguaj unë kafen, nesër ai. Kjo është qenia e dy intelektualëve që kanë punuar 40 vjet në arsim, duke zhvilluar më shumë se 30.000 orë mësimi! Disa nga ish-nxënësit tanë kanë zënë karriget në ‘foltoren’ ku dëgjojmë vetëm fjalor që s’i ka hije vetëm atyre! Mbi 140 orë debat ka pasur Kuvendi janar- korrik 2018. Janë anash kaluar problemet e qytetarëve dhe janë diskutuar çështje të javës me sherr e shamata! Niveli i deputetëve plotësohet me këtë shifër. Në total 33 nga 140 deputetët kanë grada të larta shkencore, duke mos iu futur si i kanë marrë! Mbi 18 deputetë, deri tani kanë thënë vetëm fjalën: “Betohem”! I kemi parë vetëm si figura kur ngrenë dhe ulin kartonët! Të varfër në mendime, por s’e besoj të janë kaq të varfër në pasuri! Politikanët kanë të përbashkët Bazën Ekonomike (tërësia e marrëdhënieve në prodhim). Ndahen në Superstrukturë (tërësia e pikëpamjeve) Fakti që të dy palët janë pasuruar, mbi bazën ekonomike tregon sa pranë janë me korrupsionin, trafiqet e tjerë. Dy grupet politike e shohin jo objektivisht situatën, por bardhë e zi, sipas interesave partiake. Fjala vjen, për hapjen e negociatave, mbajnë qëndrime diametralisht të kundërta. Pozita e quan fitore, megjithëse s’është kështu. Opozita dështim edhe pse s’mund ta quajmë të tillë! Kujt t’i besojmë? Ky problem do të na shoqërojë deri në qershorin tjetër! Dihet nga Dialektika se lufta e të kundërtave të çon në zhvillim, por kur bëhet e ndershme e jo si tek ne! Të kundërtat i kemi antagoniste e joantagoniste. Antagonistet janë të pa pajtueshme. Lufta kundër korrupsionit, krimit, trafiqeve e tjerë. Kontradiktat joantagoniste kanë si qëllim të njëjtë, por ato dorës dytë të kundërta. Pozitë, opozitë kanë kontradikta joantagoniste. Qëllimi kryesor është i përbashkët. Gjithçka në dobi të Shqipërisë. Por rrugët s’i do të arrihet, duhet të kalojë në përmjet kontradiktave joantagoniste. Është për të ardhur keq që për të njëjtën çështje që është në dobi të vendit mbajnë qëndrime krejt të kundërta! Suksesi i njërës palë mohohet nga pala tjetra, kurse dështimi gëzon atë! Përgjegjësia për këtë situatë të dëshpëruar i bie klasës politike që në 28 vjet ka krijuar konflikte artificiale për të penguar futjen në familjen evropiane, së cilës i përkasim. Tani janë strukur, se po i mblidhet “laku”! Porosia nga BE-ja është sa më shpejt të krijohen institucionet e reja. Këto po zvarriten jo pa qëllim nga politikanët tanë! Nga frika e seleksionimit, nga Vettingu! Të gjithë po presin që të dënohet çdo njeri i korruptuar. Por, deri kur do t’i rezistojnë presioneve të ndërkombëtarëve që s’do të jenë të vogla?! Të shohim, këtë t’ia lëmë kohës! Për të gjitha këto shumëkush, pyet: Po, kur…?!