Megjithëse pamja jonë është gjenetike, disa pjesë të trupit mund të zbulojnë informacione interesante për personalitetet tona.
Studimet kanë treguar se gjatësia e gishtit të unazës varet nga nivelet e testosteronit, hormonit mashkullor, ndaj të cilave jemi të ekspozuar në bark dhe kjo mund të ketë një ndikim të drejtpërdrejtë në formimin e personalitetit.
Tani shihni dorën tuaj dhe lexoni pak për veten:
1 – Gishti tregues është më i shkurtër se gishti i unazës
Njerëzit me gishtin e unazës më të gjatë se gishti tregues shpesh janë shumë tërheqës, karizmatikë dhe sharmantë. Ata kanë aftësi të shkëlqyera komunikuese dhe dinë të tërheqin vëmendjen dhe ta mbajnë atë. Janë persona që rrezikojnë dhe shpesh paguajnë për këtë.
Nëse diçka nuk iu shkon pas planit, ata nuk dekurajohen sepse për ta ekziston gjithmonë një zgjidhje tjetër.
Vendosin objektiva dhe duan të arrijnë sa më shumë, prandaj disa mund t’i quajnë agresivë, por kjo s’do të thotë se janë të tillë.
2 – Gishti i unazës është më i shkurtër se gishti tregues
Njerëzit që e kanë gishtin e unazës pak më të shkurtër se gishti tregues, janë shumë të sigurt në vete.
Ata janë udhëheqës të mirë dhe iu pëlqen të drejtojnë. Janë të qetë dhe të butë dhe thuajse asgjë s’mund t’i nxjerrë jashtë natyrës së tyre.
Zakonisht nuk hedhin hapin e parë, por kur e bëjnë këtë, sigurohen të jenë në krye dhe t’i shkojnë deri në fund.
Kanë një mendje shumë analitike dhe gjithmonë mendojnë për të gjitha rezultatet e mundshme para se të marrin ndonjë vendim. Nuk iu pëlqen të jenë spontanë.
3 – Gishti tregues dhe ai i unazës kanë të njëjtën gjatësi
Kjo do të thotë se ju jeni të kujdesshëm dhe shumë të ekuilibruar, paqësorë dhe me këmbë në tokë. Keni një personalitet të butë dhe përpiqeni të shmangni konfliktet dhe rreziqet, por kjo s’do të thotë se nuk dini të jeni të ashpër dhe të vendosur aty ku duhet.
Jeni miq të mirë dhe gjithnjë të gatshëm për të ndihmuar të tjerët. Ju karakterizon besnikëria, në punë, në një miqësi apo në një marrëdhënie, me pak fjalë, kudo
