Të gjithë i mbajnë mend filmat vizatimorë që tërhiqnin jo vetëm fëmijët, por edhe prindërit. Në kodrën e gjelbër në Wimpstone, Warks ishte shtëpia e Tinky Winky, Dipsy, Laa-Laa dhe Po , prej marsit të vitit 1997 deri në vitin 2001. Por tashmë shtëpia ku së pari është xhiruar seriali për fëmijë është mbushur me ujë.
Dy dekada më pas vendi i cili ka bërë për vete shumë fëmijë është një djerrinë e mbushur me ujë. Një familje e mjellmave dhe peshqve të ujërave të ëmbla kanë rrëzuar ‘Tubbytronic Superdome’ duke mos lënë asnjë shenjë të shfaqjes më të të dashur në botë, shkruan The Sun.
Arsyeja pse shtëpia e famshme është ‘’harruar’’, është për faktin se njerëzit që jetonin në ato zona nuk mund të duronin numrin e madh të turistëve që vinin për ta vizituar atë vend, i cili gjendet në një zonë të qetë rurale. Seritë e reja të Teletubbies u kthyen në mars të këtij viti, por të xhiruara në një vend tjetër. Në kulmin e saj, shfaqja popullore e BBC-së për fëmijë u transmetua në 80 vende të mëdha të botës.
