Prova të reja kanë dalë në dritë për operacionin ndërkombëtar ‘Ura’ të iniciuara nga autoritetet italiane, lidhur me trafikun e narkotikëve, ku në krye të tri bandave kriminale qëndronin shqiptarët, se si urdhër arrestet për personat e përfshirë janë lëshuar që para mbajtjes së zgjedhjeve elektorale të 11 majit, në mënyrë që këto të fundit të punojnë për mazhorancën në pushtet.
Syri Tv ka siguruar dosjen me 29 urdhër arrestet e lëshuara për shqiptarët e përfshirë në trafikun ndërkombëtar të drogës, e cila mban datën e 30 prill, ndërsa SPAK kujtohet të bëjë ekzekutimin e masave gati një muaj më pas.
Sipas dosjes hetimore, e siguruar nga gazetari Fatjon Gjinaj, thuhet se 29 urdhër arrestet janë lëshuar nga Gjykata e Posaçme e Shkallës së Parë më 30.04.2025, pas kërkesës së SPAK të paraqitur në GJKKO që më 19 mars të këtij viti, kohë e mjaftueshme që operacioni ‘Ura’ të dekonspirohej dhe personat e përfshirë në këtë trafik, apo kokat kryesore të largoheshin, në pamundësi për t’u gjetur siç ndodh rëndom nga operacionet e autoriteteve shqiptare, kryesisht ato policore dhe BKH-së.
Urdhër arrestet janë lëshuar për:
Elvis Doçi
Indrit Tafili
Ogert Shqevi
Artan Sulejmani
Orges Molla
Sued Elezi
Genti Nderjaku
Hasan Nderjaku
Altin Morina
Armand Tragaj
Rando Aliu
Musa Korca
Alfred Hysa
Altin Pjetri
Ligor Çombashi
Edmond Çupi
Naim Behluli
Edison Cukaj
Serxhio Shkodra
Ervis Deti
Bexhed Mema
Emri Hysenaj
Artur Shkoza
Sokol Isteri
Ervin Zeqiri
Gëzim Thartori
Ledio Bardhi
Juxhin Drazhi
Erind Lasku.
Të gjithë këta shtetas shqiptarë, pjesë e narkotrafikut ndërkombëtar, akuzohen për veprat penale: ‘Trafikimi i narkotikëve’, ‘Grupi i strukturuar kriminal’, ‘Kryeja e veprave penale nga organizata kriminale apo grupi i strukturuar kriminal’ dhe ‘Pastrim i produkteve të veprës penale apo veprimtarisë kriminale’, ndërsa disa prej tyre do të njihen këtë të premte me masat e sigurisë ‘Arrest në burg’.
