Dy shqiptarë janë arrestuar nga policia italiane në zonën e Citta di Castello, ndërsa ishin duke lëvizur me makinë.
Mediat italiane raportojnë se gjatë kontrollit të mjetti u gjendën lëndë narkotike, e cila u sekuestrua menjëherë, ndërsa dy shqiptarët u arrestuan.
Ndërkohë gjatë kontrollit të dokumenteve rezultonte se dy shqiptarët të moshës 23 dhe 40 vjeç rezultonin me dosje kriminale.
Të rinjtë shqiptarë u kapën ndërsa lëviznin me një mjet të vogël. Pas kontrollit, brenda saj u gjendën 34 gramë kokainë, shkruan media italiane.
Në përfundim të hetimeve, dy shqiptarët u arrestuan dhe janë në pritje të masës së sigurisë nga Gjykata e Perugia.
