Një ngjarje e rëndë është regjistruar në bregdetin e Shëngjinit, ku katër të rinj që kishin hyrë në det dyshohet se janë marrë nga dallgët dhe rrymat e forta.
Sipas informacioneve paraprake, të rinjtë janë përballur me vështirësi gjatë qëndrimit në det, ndërsa si pasojë e kushteve të vështira, dy prej tyre dyshohet se kanë humbur jetën. Dy të tjerët janë nxjerrë nga uji, ndërsa ende po punohet për sqarimin e plotë të rrethanave të ngjarjes.
Në vendngjarje kanë mbërritur forcat e policisë dhe ekipet e emergjencës, të cilat po kryejnë veprimet e nevojshme dhe po mbledhin informacion për të dokumentuar ngjarjen.
Autoritetet nuk kanë dhënë ende një njoftim të plotë zyrtar mbi identitetin e viktimave dhe rrethanat e sakta të tragjedisë.
