Dy shqiptarë janë përplasur me njëri-tjetrin në burgun e Malandrinos në Greqi. Mediat greke raportojnë se ngjarja ka ndodhur dy ditë më parë, ku për pasojë ka mbetur i plagosur një 39 vjeçar, identiteti i të cilit nuk është bërë me dije nga autoritetet vendase.
Shqiptari është dërguar i gjakosur rreth orës 12 të së dielës në spitalin e Amfisës dhe është jashtë jashtë rrezikut për jetën.
Si autor i plagosjes është identifikuar një bashkatdhetar 30-vjeçar. Autori ashtu edhe i plagosuri vuajnë dënime për krime të rënda.
Shkaqet e ngjarjes janë duke u hetuar ndërsa ndaj 30-vjeçarit është ngritur një tjetër dosje për plagosje dhe posedim të thikës në burg.
