Sekuestrohen 31 kg lëndë narkotike e dyshuar Cannabis Sativa.
Shpallet në kërkim poseduesi i lëndës narkotike.
Më datë 28.02.2017, specialistët për Narkotikët, në Drejtorinë Vendore të Policisë Kukës, në vijim të punës për goditjen e trafikimit të lëndëve narkotike , kanë goditur një tjetër rast të trafikimit të lëndëve narkotike, ku sekuestruan 31 kg lëndë narkotike si dhe shpallën në kërkim poseduesin e lëndës, dhe konretisht shtetasin:
-Arven Çuni, 32 vjeç, banues në fshatin Letaj, Has.
Shpallja në kërkim e këtij shtetasi u bë pasi, duke lëvizur me mjetin tip “Benz” me targa M 794 TDA, në aksin rrugor Golaj-Krumë, sapo ka pikasur policinë, ka braktisur mjetin si dhe duke përfituar nga errësira ka mundur të largohet.
Gjatë kontrollit të ushtruar në mjetin e tij, në pjesën e bagazhit, j’u gjet dhe bllokua në cilësinë e provës materiale 31 kg lëndë narkotike e llojit Canabis Sattiva.
Po punohet për kapjen e tij.
Në cilësinë e provës materiale u sekuestruan :
– 31 kg lëndë narkotike e dyshuar si Cannabis Sattiva – si dhe u bllokua automjeti tip mjetin tip “Benz” me targa M 794 TDA.
Materialet i kaluan për veprime të mëtejshme Prokurorisë së Rrethit Gjyqësor Kukës, për veprën penale “Prodhim dhe shitja e narkotikëve”, parashikuar nga neni 283 i Kodit Penal.
