Tragjedi në zonën e Modenës në Itali, ku humbi jetën një 35-vjeçare pas një trajtimi estetik të gjoksit. Ndërhyrja i është kryer nga një person në banesë, dhe ende nuk dihet nëse është i kualifikuar. Pas shfaqjes së simptomave, personi që kreu ndërhyrjen është larguar.
Ngjarja ka ndodhur në Maranello dhe karabinierët po hetojnë rastin. Viktima, Samantha Migliore, në nëntor 2020 i mbijetoi një tentative vrasjeje nga ish i dashuri i saj, i cili e qëlloi në kokë.
Karabinierët kanë mbërritur në shtëpinë e gruas pasi janë vënë në alarm nga familjarët e saj. Në momentin e ndërhyrjes në gjoks për qëllime estetike, në shtëpi ka qenë i pranishëm bashkëshorti aktual i gruas dhe të njohur të tjerë, të cilët kanë thirrur për ndihmë kur është shfaqur sëmundja.
Ndër hipotezat e para të vdekjes së Samantës është një atak kardiak, por vetëm autopsia mund të sqarojë shkaqet. Për momentin nuk dihet as se çfarë lloj lënde i është injektuar asaj. 118 personeli shëndetësor u përpoq ta ringjallte për rreth një orë, por 35-vjeçarja ndërroi jetë menjëherë pasi mbërriti në spitalin në Baggiovara (Modena).
Personi që ka kryer shpimin e gjoksit në shtëpi, sipas asaj që ka mësuar një grua me kombësi të huaj, nuk dihet nëse është estetiste e kualifikuar apo jo. Ajo u largua nga shtëpia ndërsa të pranishmit po telefononin në 118.
