Të tjera detaje tronditëse janë bërë publike lidhur me vdekjen e ish kryeplakut, i cili dyshohet se është vrarë nga i biri. Një natë para se të ndodhte krimi, 54 vjeçari kishte debatuar me djalin e tij për shkaqe ende të paqarta e ndërsa ai është goditur disa herë me çekiç në kokë. Ish kryeplaku i fshatit Shkallë në Manzë, gjetur pa jetë mëngjesin e sotëm, dyshohet se është vrarë nga djali. Burime nga grupi hetimor kane thenë se natën para se të ndodhte krimi, Mirosh Djaloshi, 54 vjeç, kishte debatuar me të birin e tij, për arsye që ende jane të paqarta. “Viktima është goditur disa herë në kokë me çekiç”, kanë konfirmuar burimet, duke shtuar se vdekja është shkaktuar pikërisht prej goditjeve në kokë.
