Një aksident me pasojë plagosjen e tre personave ka ndodhur pak minuta më parë në Fushë Prezë në dalje të Tiranës. Burime në vendngjarje i thanë NOA’s se janë përplasur një automjet tip Fiat, një Volkswagen si dhe një Audi me targa AA 02 BK. Si pasojë e përplasjes së këtyre makinave, janë plagosur në gjendje serioze tre persona kurse kanë marrë lëndime në shkallë më të vogël edhe pesë të tjerë. Në vendngjarje kanë shkuar forca policore. Dyshimet e para janë se shkak i aksidentit është bërë humbja e kontrollit të automjeteve si pasojë e shpejtësisë së lartë dhe manovrimeve të gabuara në rrugë.
