Procedohen të lirë dy persona të moshave 25 dhe 34 vjeç në Korçë. Bëhet me dije se A.D dhe D.K, kanë dhunuar fizikisht një 27-vjeçar për motive të dobëta.
Dy autorët gjithashtu kanë dëmtuar me sende të forta automjetin e të riut.
Njoftimi i Policisë:
Komisariati i Policisë Korçë referoi materialet në Prokurori ku filloi procedimi në gjendje të lirë për shtetasit A. D., 25 vjeç, banues në Korçë dhe D. K., 34 vjeç, banues në fshatin Vloçisht, Maliq, pasi dyshohet se për motive të dobëta janë konfliktuar dhe kanë goditur me grushte një 27-vjeçar, të cilit i kanë dëmtuar me sende të forta dhe automjetin që ka në përdorim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
