Nën muzikën e valëve
përkundem me ty
Valët e detit vallëzojnë mes nesh
Më përqafojnë dhe qeshim të dy
Sytë shndrisin si neon në një shesh
Zemrën trazuar ledhaton ngadalë
një dallgë përqafuar kur bëhet shkumë
Të dy këtë vals e vallëzojmë mbi valë
Dhe dallgët ngrihen dhe më shumë
Ngrihet si shkëmb e lehtë kjo zemër
Me dallgët ajo qenka dashuruar
lumturia më përkëdhel aq ëmbël
flamuri shkumë e dallgët valëzuar…
Nga deti kërkova veç paqe e dashuri
Dhe ëndrrat thura nën qiellin blu
të më ndihmonte sa pak të vija tek ti
dhe të zhytesha si e çmendur në sytë e tu
ndaj hidhem në vals pa pushim
si një valë që detin përshkon nga mëngjesi në darkë
pastaj ulem e numëroj yjet me ngadalë
duke pritur të vish prej andej mbi një barkë
