Kudo shkoj e kudo vete,
Të gjithë flasin me vete,
Të vegjël e të mëdhenj,
Të mençur e budallenj!
Më thotë një burrë i shtruar,
Sytë o mik të kanë mashtruar,
S’flasin me vete si thua ,
Po këndojnë dëgjo mua !
Këndojnë nga lumturia,
Që u solli qeveria,
Luten ditë e luten natë,
“ O Sali jetë të gjatë ”!
Jetë të gjatë o i bekuar ,
Se tonën e ke shkurtuar,
Je përpjekur si vigani,
Ndaj në bisht lëngon vatani !
Jeta jonë fusha me lule,
Gjer në rrëzë na i ngule,
Vendin nga rrënja e shkule,
Nuk i le gjëkund një tule !
Po në prapë të duam shumë ,
Sa na del lugat në gjumë,
Një si ty në të vërtetë,
Lind një herë në njëmijë vjet !
Lind një herë në njëmijë vjet ,
Krejt i marrë dhe në pushtet,
Se u rrite me petrita,
S’ke siklet nga opozita !
Petrita ishin dyqind
Nga ata dole me xhind,
Për asnjë nuk është sekret
Ti atyre u përket !
Petritat nuk rrojnë më,
Po ka mbetur vetëm një,
Vetëm një po kryexhind,
Kryexhind sa për dyqind !
