VIDEO/ Biden e bën sërish, harron se i dha dorën senatorit, kërkon takim të dytë, ngjall dyshime për vetëdijen e tij

75
Sigal

Një tjetër video e presidentit të SHBA-ve, Joe Biden e cila e tregon atë duke pritur për një shtrëngim duarsh nga senatori amerikan dhe udhëheqësi i shumicës demokratike, Chuck Schumer, po shkakton bujë në rrjetet sociale.

Gjithçka ka ndodhur mëngjesin e së martës dhe brenda pesë sekondave, gjatë një konference. Chuck Schumer përgatitet të dalë në podium për të folur. Para se ta bëjë këtë, ai shtrëngon duart me Joe Biden dhe më pas me pjesën tjetër të audiencës, duke përfshirë kryetaren e Dhomës së Përfaqësuesve, Nancy Pelosi. Ai menjëherë zë vendin e tij.

Mirëpo diçka nuk shkon me Bidenin, i cili me qëndrimin e tij duket se po pret edhe shtrëngimin e duarve për herë të dytë. Në fakt, ai ka shtrirë dorën dhe po përpiqet të kuptojë se çfarë ka ndodhur saktësisht.

Pavarësisht se shumë personave mund t’u duket zbavitëse një video e tillë, Biden është i njohur për gabimet e tij – shumë pyesin, qoftë me interes të vërtetë, qoftë nga dinakëria, për qartësinë intelektuale të presidentit amerikan.