Pak më parë, presidenti rus Vladimir Putin kërkoi nga Kievi zyrtar një armëpushim prej 36 orësh nga sulmet ushtarake.
Kjo kërkesë është hedhur poshtë nga Ukraina. Një zyrtar i lartë ukrainas deklaroi se propozimi i liderit rus nuk mund të pranohet dhe se një propozim i tillë nuk është asgjë më shumë se hipokrizi.
Mykhailo Podolyak shkroi në Twitter se një “armëpushim i përkohshëm” do të ishte i mundur vetëm kur Rusia të largohej nga territori që po pushton në Ukrainë.
“Së pari, Ukraina nuk sulmon territorin e huaj dhe nuk vret civilë, siç bën Rusia. Ukraina shkatërron vetëm pjesëtarët e ushtrisë pushtuese në territorin e saj… Së dyti, Rusia duhet të largohet nga territoret e okupuara – vetëm atëherë do të ketë një “armëpushim të përkohshëm”. Mbani hipokrizinë për veten tuaj”, tha këshilltari i presidentit Volodymir Zelensky.