Stabilizohet gjendja në Nord Stream, njëri nga tubacionet ndalon rrjedhjen e gazit natyror

57
Sigal

Agjencia e Energjisë e Danimarkës thotë se një nga dy tubacionet e këputura në Detin Baltik duket se ka ndaluar rrjedhjen e gazit natyror. Në Twitter, agjencia tha se i ishte thënë nga kompania që operon Nord Stream 2 se presioni dukej se ishte stabilizuar, duke treguar se gazi nuk po ikën më nga tubacioni.

Më herët këtë javë, Danimarka dhe Suedia i thanë Këshillit të Sigurimit të Kombeve të Bashkuara se rrjedhjet ishin shkaktuar nga “të paktën dy shpërthime” me “disa qindra kilogramë” eksploziv. Presidenti Vladimir Putin të premten akuzoi Perëndimin për sabotim të tubacioneve të ndërtuara nga Rusia, një akuzë e mohuar me forcë nga Shtetet e Bashkuara dhe aleatët e saj.

Në Uashington, Presidenti i SHBA Joe Biden hodhi poshtë pretendimet e Putinit për tubacionin duke i konsideruar ato si “të çuditshme.”