Shoqëritë ajrore përdorin të gjitha mjetet për të mos rimbursuar biletat

78

Kush kërkon rimbursim për fluturimet e anuluara e ka shumë të vështirë. Dhe nëse dikush e ka blerë biletën në portalet online e ka edhe më të vështirë.    

Familja Kliese dëshironte t’i kalonte pushimet verore në fund të korrikut në Tajlandë. Manuel Kliese i kishte rezervuar fluturimet me në portalin Opodo. Biletat vajtje-ardhje Dyseldorf – Cyrih – Bangkok me shoqërinë ajrore Swiss kushtonin 2.300 euro. Manuel Kliese ishte deri tani tifoz i portaleve online për prenotimin e fluturimeve, sepse këto portale ofrojnë kombinime fluturimesh me disa linja ajrore, të cila shpesh nuk ofrohen në faqet e internetit të linjave ajrore.

Wirtschaft I Mobilität I TUI Flugzeug (picture-alliance/dpa/J. Stratenschulte)

Por pak ditë para udhëtimit të planifikuar, Swiss e anuloi fluturimin – gjë jo e jashtëzakonshme kjo në kohët e Coronës. Familja Kliese kërkoi që t’i kthehen paratë e paguara, duke u renditur kështu në radhë me miliona udhëtarë që presin për këtë gjë në të gjithë botën.

Ligj i shndërruar në farsë

Sipas ligjeve të BE-së në rast anulimi të fluturimit klientit duhet t’i kthehen paratë e paguara brenda shtatë ditësh. Ky ligj është shndërruar ndërkohë në farsë, sepse një rimbursim i tillë brenda shtatë ditësh nuk ka ndodhur kurrë në realitet. Dhe tani që industria e fluturimeve po vuan nga kriza e Coronës dhe është në prag të kolapsit, gjendja është bërë edhe më keq. Si edhe qeveri të tjera edhe qeveria gjermane për ta shpëtuar Lufthansën nga falimentimi ka blerë aksione dhe po e ndihmon financiarisht atë.

Vonesa me rimbursimet

Tani që Republika Federale e Gjermanisë është bashkëpronare e kompanisë ajrore Lufthansa, ajo nuk dëshiron t’i tolerojë taktikat e zvarritjeve të zgjatura për rimbursimin e fluturimeve.

Deutsche Lufthansa AG Harry Hohmeister Vorstand (Imago/Stefan Zeitz)Harry Hohmeister

“Para për rimbursimet kemi dhe çdo kërkesë e përligjur për rimbursim do të paguhet”, premtoi në korrik kryetari i sektorit të pasagjerëve të Lufthansës, Harry Hohmeister. Por në fillim të gushtit u bë e njohur se Lufthansa ka marrë që prej marsit 4.48 milionë kërkesa për rimbursim dhe 1.24 milionë prej tyre nuk janë përpunuar akoma.

Tani Zyra Federale e Aviacionit e ka kërcënuar Lufthansën me një gjobë të lartë.

Portalet dhe shoqëritë ajrore ia kalojnë topin njëra-tjetrës

Manuel Kliese thotë se e ndjen veten të mashtruar nga Opodo. Përpjekjet për te folur ne telefon me filialen gjermane të Opodos ishin të kota. Pas kërkesës me shkrim për rimbursimin e biletave, Opodo shkruante se për rimbursimin është përgjegjëse kompania e fluturimit Swiss, kurse Swiss përgjigjej se bileta qe prerë përmes portalit, prandaj për rimbursimin është përgjegjëse Opodo si kompani ndërmjetësuese. “Pretendimi i shoqërive ajrore se përgjegjëse janë portalet është i gabuar”, thotë Philipp Kadelbach, ekspert për të drejtën ajrore. Sipas tij shoqëritë ajorore paguajnë vetëm nëse dikush i padit juridikisht, kush nuk ngre padi, nuk merr para.

EasyJet Airbus A320 Flugzeug I Flughafen London Gatwick (picture-alliance/M. Mainka)EasyJet nuk krijon probleme me rimbursimin e biletave në rast se anulohet fluturimi.

Nga përvoja e tij Kadelbach tregon se Lufthansa, Austrian Airlines, KLM, Turkish Airlines dhe Ryanair përpiqen me të gjitha mënyrat për të mos paguar në rast se fluturimi anulohet apo në rast vonese. Edhe më keq qëndron puna me linjën ajrore zvicerane Swiss. Kurse si shoqërinë ajrore që nuk krijon probleme me rimbursimet ai përmend EasyJet.