Ndërsa Franca vijon të mbetet prej disa ditësh në protesta të shpërthyera pas vrasjes së Nael një 17 vjeçari që u vra nga një oficer policie, Ministri i Drejtësisë në Francë Erin Dupon Moreti ka paralajmëruar prindërit e të miturve se do të dënohen me dy vjet burg dhe 30.000 euro gjobë nëse fëmijët e tyre arrestohen gjatë protestave.
Franca është nën kaos pas protestave të dhunshme që shpërthyen në vend e që janë në natën e pestë të trazirave. Njoftimet e jashtëzakonshme të ministrit francez të drejtësisë erdhën nën hijen e thirrjeve dramatike të bëra sot në Francë nga kryebashkiakët e Marsejës dhe Lionit, të cilët i kërkuan Macron përforcime policore shtesë, kërkesë të cilën Parisi e plotësoi me urgjencë. Për autoritet franceze që po përballen me këtë valë protestash një prej mundësive që po shqyrtohet është shpallja e gjendjes së jashtëzakonshme por ende nuk është marrë një vendim. Vendosja e gjendjes së jashtëzakonshme do t’i lejonte autoritetet të marrin masa të veçanta si shtetrrethimi që u vendos në nëntor 2005 pas dhjetë ditë trazirash, ku kujtojmë që edhe në atë kohë protesta erdhën pas vdekjes së dy adoleshentëve që po ndiqeshin nga policia.
Presidenti Emmanuel Macron u detyrua të shtyjë vizitën e tij zyrtare në Gjermani dhe të qëndrojë në Paris, ndërsa qeveria franceze po përpiqet të forcoj masat për ti dhënë fund incidenteve së protestave.
