Policia holandeze ka gjetur 350 mijë euro kesh brenda një lavatriçeje në një shtëpi në Oeverpad në Amsterdam. Ndërsa në pranga është vendosur një 24-vjeçar me akuzën e pastrimit të parave.
Policia kontrolloi banesën, ku sipas administratës komunale nuk jetonte askush.
Por gjatë kontrollit të pronës, agjentët gjetën shumën e madhe të parave të fshehura në makinën larëse.
Gjithashtu u konfiskuan disa telefona celularë, një makinë për numërimin e parave dhe një armë zjarri.
Policia gjeti në banesë edhe një 24-vjeçar, që u arrestua me dyshimin e pastrimit të parave.
