Microsoft do të shkurtojë 10 mijë vende pune

40
Sigal

Microsoft po shkurton 10,000 vende pune pasi përmendi një ndryshim pas pandemisë në zakonet e shpenzimeve dixhitale dhe dobësinë në ekonominë globale. Grupi i teknologjisë iu bashkua një liste të kolegëve amerikanë që bëjnë shkurtime të gjera të vendeve të punës, e cila përfshin pronarin e Facebook Meta, Amazon dhe prodhuesin e softuerëve të biznesit Salesforce.

Shefi ekzekutiv i Microsoft, Satya Nadella, tha në një postim në blog se klientët kishin rritur shpenzimet e tyre dixhitale kur koronavirusi goditi në 2020-2021, por tani po zvogëloheshin.

“Tani po i shohim ata të optimizojnë shpenzimet e tyre dixhitale për të bërë më shumë me më pak,”- tha ai. Microsoft punëson rreth 220,000 njerëz në mbarë botën.

Microsoft po përballet me një rënie në tregun e kompjuterëve personalë pas një bumit të pandemisë, duke lënë pak kërkesë për Windows dhe softuerin e tij shoqërues. Ngadalësimi i kërkesës ka goditur gjithashtu biznesin e kompjuterit cloud të Microsoft, i cili është bërë një pjesë e madhe e operacioneve të tij. Kompania zotëron gjithashtu platformën e lojrave Xbox./