Një 31-vjeçar shqiptar ka përfunduar në prangat e policisë italiane.
Mediat italiane shkruajnë se shqiptari është kapur nga Antidroga, pasi i janë gjetur në banesë 15 pako kokainë.
Po ashtu, atij i janë kapur edhe 2 400 euro në kartmonedha të vogla.
Në shtëpinë e shqiptarit, gjatë kontrollit, është kapur edhe e dashura e 31-vjeçarit, një 23-vjeçare.
Pas kapjes, autoritetet italiane kanë parë se shqiptari kishte dy urdhra dëbimi nga Italia, por kishte shkuar prapë në shtetin italian.
I riu shqiptar po qëndron në burg, deri në marrjen e një vendimi nga gjykata.