Makina përfundon në greminë në malet e Cuneos, vdesin 5 të rinj, 4 prej tyre minorenë

67

Pesë të rinj vdiqën në një aksident të ndodhur gjatë natës në Castelmagno, në Valle Grana të Sipërme, në provincën e Cuneos.

Ata po udhëtonin të gjithë me një Land Rover Defender 130 i cili, për arsye ende për t’u sqaruar ka dalë nga rruga, afër strehimit Maraman. Viktimat janë shoferi 24-vjeçar dhe katër fëmijë midis 11 dhe 16 vjeç. Katër djem të tjerë u plagosën, dy janë në gjendje të rëndë.

foto galeri

foto galeri

foto galeri

foto galeri

Të gjithë janë hedhur jashtë nga automjeti i cili përfundoi rreth 200 metra larg rrugës. Viktimat janë të gjithë nga krahina e Cuneos dhe ka të ngjarë që ata të ishin me pushime me familjet e tyre në Luginën e sipërme të Granas. Disa të afërm mbërritën në vendin e përplasjes pas disa minutash.

Pas darke djemtë do të takoheshin në sheshin në fshatin Chiotti dhe kishin shkuar në Alpe Chastlar për të parë yjet. Aksidenti ndodhi rreth mesnatës në rrugën e kthimit për në shtëpi. Ndoshta për shkak të një shpërqendrimi, në fillim të një kthesë të mprehtë në të majtë, 24-vjeçari humbi kontrollin e automjetit i cili përfundoi në greminë. Castelmagno është një qytet me 61 banorë në majë të luginës së Granas, në rreth 1,150 metra mbi nivelin e detit. Streha e alpinizmit Maraman është e vendosur në rrëzë të maleve Crosetta dhe Tibert.

Sipas gjetjeve të karabinierëve, fuoristrada në të cilin udhëtonin nëntë persona ishte në të vërtetë për gjashtë persona. Për të rikonstruktuar dinamikën e aksidentit do të jetë e nevojshme të merren dëshmitë e të mbijetuarve.