Koronavirusi në Itali/ Kreu i Mbrojtjes Civile: Kulmi i infeksioneve do të jetë pas dy javësh

71

Deri më tani me bilancin e frikshmëm të viktimave Italia është epiqendra e këtij virusi vdekjeprurës në Europë.

Por, ndërsatë gjithë shpresojnë t’i vijë fundi sa më shpejt, ekspertët italianë kanë thënë se kulmi i epidemisë me shumë gjasa do të jetë pas dy javësh.

Mëngjesin e sotëm Kreu i mbrojtjes civile Angelo Borrelli tha për mediat se: Të gjithë thonë se ne do të arrijmë kulmin dhe shpresojmë se do të jetë së shpejti.

Më tej Borrelli vazhdoi: Optimizmi dhe shpresa duhet të vijnë nga sjelljet që po adoptojmë të gjithë. Kemi nevojë për maturi absolute, duhet të dalim jashtë shtëpisë sa më pak të jetë e mundur. Është thelbësore që të përmbahet epidemia. Duhet të shmangim kontaktet njerëzore dhe të lëvizim sa më pak. Shmangni largimin nga shtëpia nëse nuk është rreptësisht e domosdoshme. Epidemiologët na thonë se nëse bëjmë një jetë absolutisht normale, përqindja e personave të prekur nga koronavirusi do të mbetet shumë më e lartë se tani. Për këtë arsye qeveria italiane ka miratuar dhe do të vazhdojë të prodhojë masa të tilla si ato të miratuara në Kinë dhe nëse nuk i përmbahemi këtyre masave, distanca sociale do të jetë e padobishme.

Një infeksion i ri në Vo‘

Mbrëmjn e djeshme u konstatua një rast i ri pozitiv në komunën Vo ‘, një nga epiqendrat e epidemisë në Veneto, ku deri dje bilanci i gjendjes kishte qenë zero. Komuna e Venetos gjithashtu është përmendur shpesh si qendra e “modelit Veneto” për të frenuar përhapjen e virusit dhe studimin e sëmundjes, me një numër shumë të madh të testeve të tamponit të kryera.

Guvernatorët po kërkojnë më shumë kufizime

Punësimi i ushtrisë, mbyllja e zyrave profesionale dhe zyrave publike, dalimi i vendeve të ndërtimit, kufizim i mëtejshëm i aktiviteteve tregtare. Këto janë kërkesat e guvernatorit të Rajonit të Lombardisë, Attilio Fontana , drejtuar Kryeministrit, Giuseppe Conte . Një listë që vjen pas bilancit të fundit dramatik të të vdekurve dhe të infektuarve në rajon dhe veçanërisht në zonën metropolitane të Milanos.

Italia ngelet një nga vendet më të prekura, pasi aty numri i personave që kanë humbur jetën ka shkuar në 3.405. Ndërsa në SHBA kanë humbur jetën 217 persona. Në Greqi deri më tani kanë humbur jetën 7 persona dhe në Francë ka 372 viktima. Të infektuar ka edhe në Kosovë, Mal të Zi, Maqedoninë e Veriut, Gjermani dhe në shumë vende të Europës. Në Shqipëri 70 persona janë infektuar me COVID-19 dhe 2 prej tyre ka humbur jetën./radieosei.it