Sot në Mal të Zi mbahet rundi i dytë i zgjedhjeve presidenciale. Në garë janë presidenti aktual Milo Gjukanoviç dhe Jakov Milatoviç.
Milatoviçit i ka ndodhur një gjë e pazakontë sot ndërsa shkoi për të votuar. Ai me të arritur në qendër të votimit në Podgoricë, i shoqëruar nga bashkëshortja, vuri re se nuk e kishte letërnjoftimin, shkruan “Vijesti”.
Atij iu desh të kthehej në banesë për të marrë letërnjoftimin, ndërsa gazetarëve iu tha se kështu ndodh kur e ndërron kostumin në moment të fundit.
