Humb jetën në vendin e punës 44-vjeçari shqiptar në Itali. Ngjarja ka ndodhur sot rreth orës 13:00 në La Loggia, provincë e Torinos.
Sipas asaj që shkruajnë mediat përtej Adriatikut, shqiptari ishte duke hapur një gropë në momentin kur pati rrëshkitje dheu, çka rezultoi fatale për jetën.
Në vendin e ngjarjes mbërriën forcat e policisë, zjarrfikësja dhe ambulanca, por përpjekjet rezultuan të kota.
Ende nuk bëhet i ditur identiteti i shqiptarit në fjalë.
